Youtubers por un día
o alumnado de ITI converteuse en Youtubers neste trimestre. O punto de partida deste proxecto xorde dunha reflexión dobre. Por unha banda, cada vez que o noso alumnado precisa unha explicación acude á Youtube na busca dun vídeo que lle axude a entender ou a facer unha tarefa. Por outra, o alumnado de 1º ESO ten recente das dificultades e os problemas cos que se encontrou ao chegar ao instituto fai uns meses.
Por iso o produto final do proxecto son vídeos explicativos que amosan que se pode facer no instituto e que servirán para recibir a todo o alumnado novo que veña ao centro. Despois da nosa primeira sesión de reflexión esta foi a nosa ruta con tres paradas claras:
1º Busca de
información
- Elaboración de un guión provisional.
- Acudiuse ás fontes orais: persoal do centro encargado dos diferentes espazos e actividades do centro. Traballouse a entrevista, estrutura e características.
2º
Tratamento da información
- Selección da información pertinente.
- Elaboración dun guión para estruturar o texto que se quere crear.
- Traballo cos textos instrutivos e explicativos: estrutura e características textuais.
3ª Xeración
de contidos
- Escritura. Creación textos explicativos ou instrutivos.
- Gravación e edición do programa.
- Comunicación. Cada grupo presentará e explicará o vídeo aos seus compañeiros.
Todo o seu traballo está recollido no espazo web Laboratorio de información.
Na etiqueta Youtubers por un día podedes ver todas as nosas creacións.
Comentarios
Publicar un comentario
Grazas por compartir as túas palabras neste sobreiral.