Activos na protección do monte



O alumnado de 1º ESO e os de 2º PMAR coñeceron como os incendios de hai un ano estragaron o monte. Ademais da desaparición das plantas que o poboaban, propiciaron que aparecesen  outras especies oportunistas coma as acacias e os eucaliptos que están a invadir o ecosistema.


Primeiro, membros da Comunidade de Montes de Valadares  faláronnos da importancia de mirarmos polo medio natural, de coidalo.  Tamén nos dixeron como plantar árbores autóctonas, que nos protexen contra o lume e non degradan o terreo.


Finalmente, saímos ao monte, diante mesmo do instituto, onde arrincamos algunhas plantas invasoras (sobre todo o que había era acacias) e entre todos plantamos cento noventa sobreiras. Iremos medrando con elas do mesmo xeito que medra a nosa conciencia ambiental.



Comentarios