Despedida do Club de lectura
O pasado luuns 8 de xuño tivemos unha despedida moi especial do noso club. Despois de comer todos xuntos na biblio, marchamos para o estranxeiro, máis concretamente cara Valença, coa intención de coñecer a súa biblioteca municipal. Tratáronos moi ben e contáronos moitas cousas sobre os libros antigos que alí gardaban. Coñecimos tamén aos integrantes do seu club de lectura, con xente de Portugal e Galicia e no que combinaban a lectura en voz alta coa merenda. En fin, que pasamos unha tarde estupenda e trouxemos moitas ideas de colaboración entre as nosas bibliotecas. Con esta actividade pechamos o noso club de lectura por este curso. Agardamos veros a todas/os en setembro. Bo verán!
