Un día moi especial
É imposible
revivir o día de hoxe sen sentir a emoción latente que se respiraba no
Sobreiral. Foi un momento máxico no que puidemos poñer cara a todas as persoas
que confiaron en nós e as que nos axudaron a levar a cabo este proxecto.
Foi un
momento máxico porque os focos non puideron eclipsar o fulgor que se desprendía
de cada palabra, xesto e movemento do noso alumnado. Amosaron con orgullo a súa
biblioteca. Ensinaron como traballan día
a día en cada un dos recunchos. E fixeron patente a súa entrega e ilusión.
A palabra e a
música foron as protagonistas dun acto que se preparou con moito esmero
coidando cada detalle para que os nosos convidados e convidadas se sentiran coma en casa.
O son e a imaxe compartiron protagonismo a partes iguais.
Ata o último
momento mantívose o suspense e a sorpresa porque os máis pequenos tiñan
preparado o fin de festa. Contaron con paixón o desenvolvemento da súa tarefa
para compartir con todos e todas as galletas que fixeron estas semanas.
Grazas por compartir con nós este día tan importante!
Grazas a este alumnado tan marabilloso e ao noso equipo directivo por apoiarnos sempre
ResponderEliminar