Encontro con David Rubín

O martes pola tarde tivemos unha videoconferencia cunha figura de primeira liña no mundo do cómic: o debuxante, ilustrador e historietista ourensán David Rubín. Participamos os clubs de manga de oito centros de toda a provincia de Pontevedra.

Falounos da dureza do traballo do debuxante (érguese todos os dias ás 5.00 da mañá) e da necesidade de abstraerse das redes sociais cando traballa. Pasou do debuxo en papel ao dixital por economía e por axilizar o ritmo de traballo, por evitar pasar a tinta. 

Foi moi interesante escoitalo falar do que el considera o primeiro debuxante manga da historia: o pintor xaponés Hokusai. Ademais, moitxs concordaron co seu manga favorito: "Akira". Entre os animes, decantouse por "Evangelion".

Un luxo de charla chea de bos consellos e moitísima información.