Comeza o Reto Lector 2026

Dende o equipo da Biblioteca poñemos en marcha unha vez máis, o Reto Lector, unha proposta para gozar da lectura dun xeito compartido, lúdico e motivador, que este ano chega con algunhas novidades.

Información principal do Reto Lector

• Quen pode participar?
  Toda a comunidade educativa: alumnado, familias, profesorado e persoal do centro. Ler é cousa de todas e todos.

• Como podo participar?
  Recolle o teu carné lector na biblioteca e comeza o reto. Consulta as bases para coñecer os pasos desta carreira lectora.

• Que podo ler? Terás que ler un libro de cada un destes xéneros.

• Cómic ou álbum ilustrado

• Novela en galego

• Libro de non ficción

• Teatro ou poesía

• Un libro nunha lingua estranxeira.

Podes collelos na biblioteca do centro ou acceder a eles a través da plataforma E-LBE 2.0.

• Haberá suxestións de lectura?
  Si. Na biblioteca atoparás un espazo especial de recomendacións: o andén “Libros pensados para ti”, con lecturas variadas, actuais e para todos os gustos.

• Que fago cando remato un libro?
  Para selar o teu carné deberás compartir unha breve reseña literaria, que pode realizarse en diferentes formatos, segundo a túa idade e preferencias:

• texto escrito

• audio

• vídeo

• debuxo

As reseñas poderán subirse ao Padlet dispoñible no blog da biblioteca ou realizarse nas tarxetas de reseña dispoñibles na biblioteca, que pasarán a formar parte da nosa biografía lectora colectiva. Unha vez feita a reseña, o equipo da biblioteca, o profesorado ou o alumnado axudante selarán o teu carné.

• Como consigo o meu contrasinal de E-LBE 2.0?
  Só tes que pasar pola biblioteca para solicitalo.

O Reto Lector non é unha competición, senón unha invitación a descubrir e compartir lecturas e construír, entre todas e todos, un espazo lector vivo no centro.

Animádevos a participar!

Bases do concurso