María Solar no club de lectura
O luns 22 de maio "roubámoslle
unhas horas" a María Solar para compartilas coas lectoras e lectores dos
nosos clubs de rapaces e rapazas e mais de persoas adultas.
Nunha
primeira sesión falamos d'As meigas de
Lupa cun público atento ás explicacións sobre a xénese da historia e con
achegas da autora acerca das personaxes lendarias do libro.
No
Club de adult@s o libro compartido foi "As
horas roubadas", un libro con temas moi próximos ás persoas que alí
estabamos: a España da Transición, os medos que nos paralizan, o amor perdido, o amor interesado, o amor a calquera
idade, a memoria, a mirada allea, a morte ...; e unha mensaxe de fondo:
"hai decisións que cambian a vida".
Non
deixedes de ler a dedicatoria: "Para todas as mulleres que romperon as súas ataduras e nos fixeron máis
libres" e as citas: "Non houbo nunca máis principio que agora. Nin máis xuventude que agora. E non
haberá máis perfección que agora. Nin máis inferno nin ceo que agora. Walt
Whitman "O melhor de uma verdade é o que dela nunca se chega a saber" Vergílio Ferreira.
Dende
o Equipo de Biblioteca damos as grazas a todo o profesorado, alumnado e nais e
pais polo tempo dedicado á lectura e ao contacto coas escritoras e escritores
que nos acompañaron ao longo do curso e que deixaron a súa sinatura no
"Paseo das estrelas literarias". Foi un pracer.
Grazas
ao Departamento de Plástica e ao seu alumnado por fornecernos duns marabillosos
gravados para agasallar ás nosas estrelas. Xa se converteron en "marca da
casa" e a tod@s deixaron abraiad@s.
Grazas
a Carlos Negro, Marcos Calveiro, Rosalía Fernández Rial, Ledicia Costas e María
Solar.
Comentarios
Publicar un comentario
Grazas por compartir as túas palabras neste sobreiral.