Mes de ciencia, mes de escoita
Comeza o mes de novembro e con el a celebración do mes da Ciencia en Galego nas bibliotecas. Todos os anos publícase un manifesto realizado por un científico ou científica da nosa comunidade. O Manifesto deste ano 2018 está asinado por Luís Navarro, Profesor titular de Bioloxía da Universidade de Vigo, integrante do grupo Divulgare.
Na nosa biblioteca unímonos a esta celebración LENDO e ESCOITANDO lecturas sobre ciencia en galego. De novo poñemos a funcionar o Club de Escoita. Desta vez participará todo o centro. Os lectores son alumnos e alumnas de 4º ESO e de PMAR.
Mañá dedicaremos a Hora de Lectura a lembrar a un persoeiro destacado da nosa ciencia: FONTÁN RODRÍGUEZ, matemático que elaborou a Carta Xeométrica de Galicia, o primeiro mapa realizado con precisión científica en España e o primeiro retrato fiel da nosa terra.
Comentarios
Publicar un comentario
Grazas por compartir as túas palabras neste sobreiral.