XUNTANZA TUITAKU
O
luns 4 de febreiro o club de manga do IES Valadares, os Manganiakos, acudimos a
unha xuntanza no IES San Paio de Tui. Reunímonos alí uns 140 rapaces e rapazas
dos IES da Paralaia (Moaña), Indalecio Pérez Tizón (Tui) e Álvaro Cunqueiro
(Vigo).
O día comezou coa charla inaugural de María Vilar, de Clases Comic
Vigo, que nos falou da súa paixón pola arte do debuxo e a ilustración.
E logo
xa non paramos de xogar en toda a mañá: houbo kahoot, partidas de Homes Lobo,
Breakout con temática manga, xogos de mesa, partidas de Mario Kart, de Adivina
o Opening, concurso de debuxo, charlas do alumnado de Tui… E todo perfectamente
organizado pola rapazada do Tuitaku. Pola tarde houbo concurso de Cosplay e
Talentos.
E regresamos cun premio para a casa: ¡as gañadoras do concurso de
talentos foron as nosas Alba e Casandra!
Un
día cheo de emocións, encontros e aprendizaxe.
Oxalá veñan moitos máis así.
Comentarios
Publicar un comentario
Grazas por compartir as túas palabras neste sobreiral.