Lemos no Galiñeiro

Hoxe era o gran día. Todo o instituto de Valadares íamos subir ao Galiñeiro, unha das cumbres máis altas da zona, un balcón de toda a área metropolitana de Vigo, do Val Miñor, do Val do Louro e do Océano Atlantico.

O Pico do Galiñeiro é o primeiro que vemos á saída do noso instituto, parece que nos está a vixiar cada vez que poñemos unha pé fóra. Preside a entrada do noso centro nesta versión da Noite estrelada creada polo alumnado de plástica. E dá nome ao noso club de lectura.

Hoxe sería unha xornada de convivencia, de deporte, de descubrimento, de lectura... Fariamos a ruta xuntos e diferentes actividades en grupos: visitaríamos o petróglifos de Agua da Laxe, descubriríamos diferentes rochas... E, por último, fariamos honor ao noso club de lectura e LENDO NO GALIÑEIRO.

Disfrutemos hoxe da lectura dende a distancia.

Biografía dunha folla

Agromou a folla. Naceu

para ollar con asombro

ao universo e para

clarificar á Primavera.

Escoitou a música

enfebrecida e delicada

dos paxaros. Tremeu

de desexo e de paixón

cos agarimos mainos

e sutís da brisa

recendente e invisíbel.

Contemplou enviso 

a máxica floración

de todo canto existe.

Deuse ao estío.

Ao chegar o Outono

desprendeuse da árbore

que a ataba e, sen máis, 

botouse mundo adiante.

Oráculos para cavaliños do demo (1986)