Acción global polo clima

O movemento xuvenil ecoloxista Fridays for Future organizará accións a nivel internacional o próximo 19 de marzo baixo o lema ‘Non máis promesas baleiras", a finalidade é solicitar medidas inmediatas, concretas e ambiciosas en resposta á actual crise climática. Profes polo Futuro (Teachers for Future) apoian estas mobilizacións e propoñen aos centros accións para reducir a súa pegada ambiental e implicar a toda a comunidade educativa na acción climática.

Esta é a nosa achega á acción global polo clima. Fixemos un programa de radio en directo durante o recreo. Carla, alumna de 3º ESO,  foi a nosa presentadora. Estivo acompañada de compañeiros e compañeiras de 1º ESO: Darío, Zulema Nayra, Adriana e Roi que nos desvelaron datos de interese sobre a situación que está a vivir o noso planeta. Clara e Unai de 1º Bach leron o manifesto.