Do 28 de marzo ao 1 de abril

Durante a semana do 28 de marzo ao 1 de abril, co gallo de celebrar o día da visibilidade trans e o día do libro de temática LGBTIQA+, desenvolveranse diferentes actividades na biblioteca do noso centro, organizadas desde o equipo de biblioteca, o equipo de igualdade e o club de diversidade.

• Para a hora de lectura desta semana (mércores a 4ª hora) propoñemos a lectura nas aulas do microrrelato En tinta negra, de Alma Alonso, gañador do concurso de microrrelatos de Nós Diario 2020. 

• Ademais, cada día publicarase a reseña dun libro sobre temática trans nas redes sociais da biblioteca.
• Na mesma están xa colocados unha serie de cartaces enviados por Arelas que servirán para que todos os grupos de 1º e 2º de ESO leven a cabo unha serie de actividades de visibilización de mulleres transexuais importantes en distintos eidos.