Compartindo lecturas cos máis pequenos

Este curso naceu no noso centro un club moi especial, o Club de Escoita. Non temos un número de integrantes fixo, non temos un calendario de datas establecido. Só nos moven as ganas de contar e ler boas historias a un público que nos queira escoitar.

Onte os axudantes da biblioteca sacaron o noso Club do instituto. Baixaron á Galiña Azul de Valadares para compartir lecturas, sorisos, complicidade, tempo... cos máis pequenos. Foi unha sesión moi enriquecedora para pequenos e grandes.

... por abrirnos as portas da vosa escola. 

... aos nenos e nenas polo seu entusiasmo 

... ás súas profesoras pola súa complicidade.

... á María por seleccionar e preparar coidadosamente as lecturas.

... aos nosos axudantes por este agasallo para aos máis pequenos.

GRAZAS